Berglind lauk lagaprófi frá Háskóla Íslands árið 1989, öðlaðist réttindi sem héraðsdómslögmaður árið 1995 og réttindi til málflutnings fyrir Hæstarétti Íslands árið 2008. Þá hlaut hún löggildingu sem fasteigna- og skipasali árið 1996. Diploma í stjórnun frá HA 2006. Berglind er ein af eigendum Lögfræðistofu Reykjavíkur ehf. Berglind hefur starfað sem lögmaður frá árinu 1996. Hún rak eigin lögmannsstofu og fasteignasölu á Húsavík frá 1996 til 2007 en hafði áður starfað sem fulltrúi hjá Sýslumanninum á Húsavík í 6 ár og verið staðgengill hans síðasta árið. Berglind var ein af stofnendum Regula lögmannsstofu sem var rekin á Höfn, Húsavík og Egilsstöðum frá 2003 til 2010 og jafnframt í Reykjavík frá 2005. Berglind rak ásamt fleirum Acta lögmannstofu ehf. frá 2011-2016 er Acta sameinaðist Lögfræðistofu Reykjavíkur ehf. Hún var í slitastjórn SPB hf. frá 2009 til 2016. Berglind var formaður Lögmannafélags Íslands 2018-2021 en sat jafnframt í stjórn félagsins frá 2014-2017. Berglind hefur setið í bankaráði Landsbankans hf. frá 2016.

Sérsvið:
Sifja- og erfðaréttur
Kröfuréttur
Skuldaskilaréttur